وطبعا انا مش هدفع المبلغ دا لأى مكان كان وخصوصا ان دا ايجار شقة بحالها .

وبالفعل قولت خلاص ندور على محل ننقل فيه الشغل من شهرين ملقتش اى حاجة كويسة واللى لقيتة طالبين ارقام خزعبلية .

قولت خلاص يبقى ندور على شقة كبيرة نعملها استور وفى نفس الوقت working space الناس تشتغل فيها وبالفعل لقيت حاجة وختها فعلا وبعدا ما بدأنا الايجار وجبت النقاشين وخلصنا نقاشة ودهان الشقة اكتشفت ان عقد الشقة سكنى وان الشقة عليها مشاكل وسكان العمارة رافضة اى نشاط تجارى يتم فى العمارة وكمان صاحب العمارة بعتلهم صورة عقد الايجار وراح القسم بلغ انى واخد الشقة اتجوز فيها .

طبعا الوضع خطير جدا ومينفعش تكمل فيه كلمت الراجل وفسخنا العقد بعد ما كنت دهنت معظم الشقة

ودى اول خسارة .

طبعا الفرش والحجات بعد ما كنت متفق عليها ودافع عربونها حصل مشاكل لأن مش هقدر استلمها لأن مفيش مكان .

بعد كدا اكيد انا كنت شايف اكتر من شقة علشان لو بلان 1 ممشيتش يكون عندى بلان 2 فبعد ما سبت الشقة الاولى وروحت اخد الشقة التانية لقيتها اتاخدت وحد خلص فيها وقولت الحمد لله وكل حاجة .

بعدها شوفت كام حاجة وحصل كام مشكلة على الشقق برضوا بس ما علينا الحمد لله برضوا .

وجه الوقت اللى المفروض امشى فيه من المكان الحالى اللى انا موجود فيه او ادفع ايجار 2500 جنية وزى ما قولت الفكرة مرفوضة بالنسبالى فروحت طبعا خت الحاجة فى وقت فيه طلب على الالكترونيات وقولت هشتغل اونلاين بس

ودى الخسارة التانية

بعدها قولت طب طالما انا مش قادر الاقى حاجة افتح لنفسى دلوقتى بدل ما اقفل اشوف مكان working space فاتح اشاركة براس المال واهويبقى المكان موجود

وبالفعل كلمت اكتر من مكان وحفركة هنا وميتنج هنا المهم بعد ما يحصل موافقة اولية على الفكرة نرجع كلة شايف انة عمل حاجة محدش عملها زية وصعب يشارك حد فيها .

طبعا حقهم ما هم مش يتعبوا وانت تروح تاخد من التورتة على الجاهز

قولت خلاص بقى مبدهاش

انا اكلم الاماكن انى كون موجود عندهم عادى الحاجة موجود وبيبعها من هناك بدون شراكة زى ما كنت فاتح قبل كدا وبالفعل جالى اكتر من عرض للموضوع دا

ومشيت فى واحدة فيهم ووصلت لحد خلاص عملنا عقد ان صاحب المكان هيمضى انة استلم الحاجة وان الحاجة دى موجودة عندة كعقد زى اى عقد وبعد ما طلعنا كلالطاقة فى العقد دا ووصلنا لاتفاق عليه 

 يرضى الطرفين الطرف التانى قرر مرة واحدة انة مش هيمضى على حاجة وانة مش قد مسؤولية ان الحاجات دى تكون عندة لأنها نسبيا غالية .

حقيقى الوقت دا كان ممكن يكون نهاية كل حاجة 

 انى لكن بفضل الله تجاوزت كل اللى حصل ودا كان الخير ليا بالمناسبة لأنها كانت سنه تخرج وكانت شديدة حبتين تلاتة المهم انى كملت شغل اونلاين عادى واتخرجت من الكلية بتقدير جيد جدا مع مرتبة الشرف بفضل الله 

وبدأ مرحلة ما بعد الكلية فى نوفمبر 2022 

ادخل الجيس اقضل قافل سنه كمان ولا اهرب من جيش واشوف شغلى قبل ما الناس تنسانى اعمل ايه انا فاكر سعتها استخدمت استراتيجية اتخاذ القرار بتاعة الدكتور ابراهيم الفقى بانى اقارن بين اوحش حاجة ممكن تحصل لو دخلت الجيش واوحش حاجة ممكن تحصل لو مدخلتش وبالفعل قررت ادخل الجيش  وحرفيا كل حاجة وحشه كتبتها فى الورقة دى حصلت 

يكفى انى كنت فى قيادة قوات شرق القناه لمكافحة الارهاب ايوة مكافحة ارهاب 

وبفضل ستر ربنا قضيت سنه الجيش وعدت على خير وحقيقى الجيش زى ما بيدى الواحد بياخد منه بس جهزنى كتير للغابه ولحياة ما بعد الجيش 

والحمد لله كان الموقع شغال والموقع الالكترونى شغال فالشغل كان سهل يشتغل ناقص بس حد يحضر الاوردرات  ودا كان دور والدى و يوسف صديقى الصغير  و كان ساعتها فى اولى هندسه حلوان بس كان راجل وشال مسؤولية الاوردرات وبفضلة وبفضل ربنا الاسم مندثرش خلال سنه الجيش 

والجيش خلص وقررت انزل اخيرا على ارض الواقع قدام جامعتنى القديمه 

من اول يوم خلصت فيه جيش وانا بدأت اكلم كزا سمسار وانزل الف فى الشارع ادور على مكان مناسب يصلح كألكترونكس استور وطبعا كالعادة ملقتش حاجة كويسة وتكون قريبة من الجامعه بس مكنش فى دماغى ابوشن خالص انى افضل اونلاين انا هفتح فرع يعنى هفتح وبالفعل اول مكان دخلته خدته هو صغير بس قولت ادور على مكان وانا فى مكان هتكون احسن ميت مرة من التدوير على مكان وانت نايم فى البيت 

وبالفعل يوم 1يناير 2024 كنت ماضى عقد الشقة اللى ايجارها تقريبا كان قد رأس المال اللى بدأت بيهم زمان اللى هو 5000 الاف جنيه مباركين بحب ست الكل

  والحمد لله يوم 10 يناير كان باب موست إلكترونكس مفتوح لأستقبال كل الطلبات والالكترونيات 

القصة لسه مخصلتش ومش هتخلص

قصتنى بتدل على قول الله تعالى “لا يكلف الله نفسا الا وسعها “

هيجى وقت مش هتكون عارف قدرات نفسك وحدودها  بس انت قد الظروف والعقبات ومهما كانت الظروف فانت تقدر تنجح وتحقق كل اللى نفسك فيها 

ولو عندك فكرة متنساش سلوجان الرحلة كلها 

Bring your idea to the world